ياناس خلي صد واطفى سراجه .......... ماخذ معاه القلب والليل والنور
الليل شعره والبقايا حجاجه............ الشمس خده لا تبسملي مسرور
الكون يزعل لو تعكر مزاجه......... ياكيف بس افرح وأنا فيه مسحور
معذور خلي لو بدالي انزعاجه .......... عن الناس خلي زايد احساس وشعور
........ ياناس خلي صد واطفى سراجه ......
************************************
طال الزعل يالله عسى بنفراجه ..........دلوع لكن الزعل فيه مغرور
اقفى وأنا في خاطري ألف حاجه........ وأولهم اني عالخطأ كنت مجبور
........ ياناس خلي صد واطفى سراجه.........
*************************************
من كثر ما أحبه قبلت احتجاجه ....... معذور ولو ماكان معذور معذور
هذا اللذي لو نور عيني علاجه ....... بهديه انا كلي واسف عليه قصور
........ ياناس خلي صد واطفى سراجه...........